Сыйлық сертификатын пайдалану қағидалары
«Шанель» ЖШС · БСН 241240015819
1.Терминдер мен анықтамалар
- Сатушы
- «Шанель» ЖШС, БСН 241240015819, Қағидалардың талаптарына сәйкес кез келген жүгінген жеке немесе заңды тұлғаға (Сатып алушыға) Сыйлық сертификаттары бойынша тауарларды бөлшек саудада сатуды жүзеге асырады.
- Сатып алушы
- Қағидалардың шарттарына сәйкес Сыйлық сертификаттары бойынша тауарларды сатудың осы Қағидаларына қосылған кез келген жеке немесе заңды тұлға.
- Сыйлық сертификаты
- Магниттік жолағы/штрих-коды бар, бірегей сәйкестендіру коды бар, осы Қағидаларға сәйкес Сатушының Сатып алушы алдындағы тауарларды оған беру жөніндегі міндеттемелерін есепке алуға арналған карта.
- Алаяқтық операция
- Төлем жүйесі, Эмитент-банк, Банк алаяқтық ретінде мәлімдеген және/немесе карта ұстаушы және/немесе төлеуші даулаған банктің Картасын/Токенін немесе Сервистерін пайдалана отырып жасалған операция. Карталарды пайдалана отырып жүргізілген операциялардың алаяқтық сипатын жеткілікті растау — Эмитент банктердің өтініштері және/немесе төлем жүйелерінің растаулары, карта ұстаушылардың өтініштері, кез келген байланыс арналары арқылы алынған ақпараттық және экономикалық қауіпсіздік мәселелеріне жауап беретін Сатушының ішкі қызметтерінің ескертулері болып табылады.
2.Сыйлық сертификатын пайдалану қағидалары
- 1.
Осы Қағидалар Қазақстан Республикасының Азаматтық кодексіне сәйкес «Шанель» ЖШС-нің (БСН 241240015819) жария офертасы болып табылады.
- 2.
Оферта акцепті (яғни осы Оферта шарттарының барлығын толық және сөзсіз қабылдау) Сыйлық сертификатын сатып алу және оны төлеу болып табылады.
- 3.
Осы Офертаны акцептеген сәттен бастап Сатушыда Сатып алушыдан осы Офертаның шарттарына сәйкес тауарлар мен қызметтерге ақы төлеу есебіне Сыйлық сертификатын қабылдау міндеті туындайды.
- 4.
Сыйлық сертификатын сатып алу немесе Сатып алушыдан Сыйлық сертификатын алу осы Қағидалармен толық танысуды және оларды қабылдауды білдіреді. Сыйлық сертификатын сатып алатын не алатын тұлға жалпы Қағидалармен немесе олардың жекелеген Қағидаларымен келіспеген жағдайда, Сыйлық сертификатын сатып алудан немесе алудан бас тарту ұсынылады.
- 5.
Сыйлық сертификатын сатып алушы Сыйлық сертификаты берілетін тұлғаға осы Қағидалардың ережелерін жеткізуге міндетті.
- 6.
Сатушы Сатып алушыларға әртүрлі номиналдағы сыйлық сертификаттарын (оның ішінде: 50 000 (елу мың теңге), 100 000 (жүз мың теңге), 250 000 (екі жүз елу мың теңге) және 1 000 000 (бір миллион теңге)) сатып алуды ұсынады. Сыйлық сертификаттарының номиналдары өзгеруі мүмкін, оларды Сатушы біржақты түрде толықтыра алады.
- 7.
Сатушы мен нақты Сатып алушы арасында шарт жасасу сәті Сыйлық сертификатын төлеу сәтімен анықталады.
- 8.
Пластик сыйлық сертификатын сатып алу, сондай-ақ сыйлық сертификатындағы ақша қаражатының лимиті (қалдығы) есебінен тауарды сату пластик карта мен фискалдық чекті берумен куәландырылады.
- 8.1.
Пластик Сыйлық сертификатын сатып алушы/Ұстаушы алынған пластик Сыйлық сертификатын оның номиналы таусылғанға дейін сақтауға міндетті. Сатып алушы/Ұстаушы пластик Сыйлық сертификатының және оның деректерінің сақталуын дербес қамтамасыз етеді.
- 9.
Сатушы алаяқтық операцияның белгілерін анықтаған жағдайда, жағдайды анықтағанға дейін картаны бұғаттауға не Сыйлық сертификатын жоюға және ақшалай қаражатты төлеушінің шотына қайтаруға құқылы.
- 10.
Сыйлық сертификаты сатып алынған күннен бастап 12 ай жарамды.
- 11.
Сатып алушы Сатушыдан алған Сыйлық сертификатын кез келген жеке немесе заңды тұлғаларға шектеусіз беруге құқылы. Сыйлық сертификаты берілген сәттен бастап аталған жеке немесе заңды тұлғалар осы Сыйлық сертификатымен куәландырылған Сатып алу-сату шарты шеңберінде Ұстаушы (Сыйлық сертификатын ұсынушы) мәртебесіне ие болады.
- 12.
Сатушы Сыйлық сертификаты көрсетілген кезде Сатып алушыға/Алушыға Ұстаушының/Алушының таңдауы бойынша сауда залында қойылған қолда бар ассортименттегі тауарды сатуға міндеттенеді.
- 13.
Сатып алушының Сыйлық сертификатын басқа Сыйлық сертификаттарын төлеу есебіне ұсынуға құқығы жоқ, өйткені Сыйлық сертификаты тауар болып табылмайды. Сыйлық сертификатын басқа Сыйлық сертификаттарына (номиналы көбірек немесе азырақ) айырбастауға болмайды.
- 14.
Сатып алушы/Алушы Сатушыдан тауарларды сатып алу үшін номинал шегінде Сыйлық сертификатын онда есепке алынған ақша қаражаты толық өтелгенге дейін бірнеше рет ұсына алады.
- 15.
Егер Ұстаушы/Алушы таңдаған тауардың құны Сыйлық сертификатының номиналынан немесе Сыйлық сертификатындағы ақша қалдығынан асып кетсе, Ұстаушы/Алушы аталған тауарды сатып алу үшін Сатушының кассасына ақша енгізу арқылы ақша қалдығы мен таңдалған тауардың жалпы құны арасындағы айырманы төлеуге міндетті.
- 16.
Сыйлық сертификатын сатып алған кезде Сатып алушыға енгізілген аванс сомасына фискалдық чек беріледі. Сыйлық сертификатын тауарға айырбастау кезінде Ұстаушыға фискалдық чек беріледі, онда ұсынылатын жеңілдік түрінде тауарды төлеу есебіне бұрын енгізілген аванстың есепке жатқызылу фактісі көрсетіледі.
- 17.
Сыйлық сертификатының номиналына барлық қолданылатын салық, соның ішінде Карта ұстаушыға соңғы тауарды/қызметті өткізу кезінде есептелетін Қосылған құн салығы (ҚҚС) кіреді.
- 18.
Сыйлық сертификатының қолданылу мерзімі өткен және Ұстаушы оны тауарға айырбастамаған жағдайда, пайдаланылмаған аванс сомасы қайтарылмайды және ҚР салық заңнамасына сәйкес Сатушының өзге табысы болып танылады. Сатушының Ұстаушы алдындағы міндеттемелері тоқтатылады.
- 19.
Осы оферта жеке тұлғалармен қаржылық мәселелер бөлігіндегі қатынастарды реттейді. Заңды тұлғалар сыйлық сертификаттарын (соның ішінде үшінші тұлғалардың пайдасына жасалған шарттар шеңберінде) сатып алған жағдайда, бухгалтерлік және салықтық жабу құжаттарын (ЭШФ, жүкқұжаттар) рәсімдеу жеке жазбаша келісім негізінде жүзеге асырылады.
- 20.
Сатып алушы сыйлық сертификатын кез келген үшінші тұлғаға (бұдан әрі — «Ұстаушы») беруге (сыйлауға) құқылы. Сертификатты Ұстаушыға берген сәттен бастап соңғысы осы Офертада көзделген барлық құқық пен міндеттемені иеленеді. Егер Ұстаушының Сатып алушыдан Сыйлық сертификатын өтеусіз алуы немесе оны кейіннен тауарға айырбастауы салық салу объектісі болып танылса және Қазақстан Республикасының Салық кодексіне сәйкес жеке тұлғаның табысының туындауына әкеп соқтырса, Ұстаушы барлық қолданылатын салықты (жеке табыс салығы — ЖТС қоса алғанда) есептеу, декларациялау және төлеу бойынша дербес міндет атқарады. Сатушы Сатып алушыдан сертификатты алу нәтижесінде Ұстаушыда туындайтын табыстарға қатысты салық агенті ретінде әрекет етпейді, салықтарды ұстамайды және ұстаушының немесе сатып алушының Қазақстан Республикасының бюджеті алдындағы салық міндеттемелерін орындамағаны үшін жауапкершілік көтермейді.
3.Сыйлық сертификаттарын қайтару шарттары
- 1.
Сыйлық сертификаты Сатып алушы Сыйлық сертификатын немесе оны сатып алғанын растайтын чекті ұсынған жағдайда Сатушыға қайтарылуы мүмкін;
- 2.
Жеке тұлға Сыйлық сертификатын жеке қажеттіліктері үшін сатып алған жағдайда, қайтару мынадай қағидалар бойынша жүзеге асырылады:
- 2.1.
Ақша қаражаты Сыйлық сертификаты үшін төлем жасалған тәсілмен қайтарылуға жатады;
- 2.1.1.
Егер Сыйлық сертификаты үшін төлем қолма-қол ақшамен жүргізілсе — қайтару қолма-қол ақшамен жүзеге асырылады;
- 2.1.2.
Егер Сыйлық сертификаты үшін төлем банк картасымен жүргізілсе — қайтару төлем жасалған банк картасына аудару жолымен жүргізіледі. Бұл ретте қаражатты қайтару төлем жасалған сол банк картасы ұсынылған жағдайда жүргізіледі;
- 2.1.3.
Жеке тұлға сатып алған Сыйлық сертификатының құнын қайтару күнтізбелік 10 күн ішінде жүргізіледі. Өтініш берушінің шотына ақша қаражатының түсу мерзімдері оның банкінің жұмыс шарттарымен айқындалады.
- 3.
Заңды тұлға Сыйлық сертификатын сатып алған жағдайда, «Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы» 2009 жылғы 28 тамыздағы № 191-IV ҚР Заңын сақтау мақсатында қаражатты қайтару Сыйлық сертификаттары үшін төлем жасалған заңды тұлғаның есеп шотына жүзеге асырылады. Ақша қаражатын заңды тұлғаның есеп шотына қайтару үшін оның уәкілетті өкілі бұрын төленген Сыйлық сертификаты үшін ақша қаражатын қайтару туралы қол қойған хат қажет.
- 3.1.
Заңды тұлға сатып алған Сыйлық сертификатының құнын қайтару күнтізбелік 30 күн ішінде жүргізіледі. Өтініш берушінің есеп шотына ақша қаражатының түсу мерзімдері оның банкінің жұмыс шарттарымен айқындалады.
- 4.
Сыйлық сертификаттары үшін ақша қаражаты қайтарылған жағдайда, Сыйлық сертификаттарын бөлшек Сатып алу-сату шарты бұзылған болып есептеледі. Сатып алушының Сатушы мекенжайына жіберген Сыйлық сертификаты үшін ақша қаражатын қайтару туралы өтініші ақша қаражатын қайтаруға негіз болып табылады. Сыйлық сертификаттарының бір бөлігі қайтарылған жағдайда, шарт қайтарылатын сыйлық сертификаттары бойынша міндеттемелерді орындау бөлігінде бұзылады, қайтаруға мәлімделген сыйлық сертификаттары үшін ақша қаражаты қайтарылады.
4.Қорытынды ережелер
- 1.
Осы Қағидалар сайтта немесе Сыйлық сертификатына қосымша бетте орналастырылған сәттен бастап күшіне енеді және Сатушы оны қайтарып алған сәтке дейін қолданылады.
- 2.
Сатушы Қағидалардың шарттарына өзгерістер енгізу және/немесе Қағидаларды кез келген уақытта өз қарауы бойынша қайтарып алу құқығын өзіне қалдырады. Сатып алушы осы Қағидаларға өзгерістер енгізу аталған өзгерістердің Сатушы мен Сатып алушы арасында жасалған және қолданыстағы Шартқа енгізілуіне әкеп соғатынын және Шарттағы бұл өзгерістер осы Қағидалардағы өзгерістермен бір мезгілде күшіне енетінін келісіп, мойындайды.